六日五夜 「處女星號」越南.三亞郵輪之旅 – 行程篇@Flyday 小編

六日五夜 「處女星號」越南.三亞郵輪之旅 – 行程篇@Flyday 小編

 

 

麗星郵輪旗下嘅「處女星號」將於今年一月二日至十月三十日以廣州 (南沙港) 為新母港,而小編更係一月中參加咗呢條嶄新聯合母港航線玩足六日五夜!由香港出發去廣州南沙、越南下龍灣、峴港及三亞呢幾個地方。

因為今次行程比較多同埋麗星船上有不同新活動,呢篇就介紹咗六日行程比大家睇下先啦!另一篇就介紹船上美食同麗星新嘅豐富活動!

今次小編坐嘅「處女星號」係麗星之旗艦郵輪,如果想知船上有咩設施,可以參考呢篇遊記:[郵輪之旅] 四日三夜台中高雄遊@麗星郵輪 Star Cruises。處女星號

今次行程由星期六下午尖沙咀集合上船,當晚喺六樓免費餐廳雲頂宮享用中式晚餐後,再去麗都歌劇院睇黃小琥演唱會!到第二日早上就落船上岸參觀,大家可以預先在船上報名參加當地安排嘅旅行團,每個地方都有各類型活動,動靜皆宜都有!旅行團費價錢亦很便宜,已包括午餐及安排專車接送架!

 

 

第一站先到廣州南沙百萬葵園花之戀酒店食午餐。

 

 

當日酒店行政總廚仲親自接待,小編試過地道葵花雞,真係有淡淡嘅葵花味架!不過天陰關係,外面一直下雨,我地無緣參觀園內嘅《七彩花田》睇向日葵同薰衣草!

 

 

午飯後我地再去了番禺蓮花山,雖然天氣有點冷及下雨,但觀音像下一直香火鼎盛。直到傍晚完成行程後就返回船上食晚餐。

之後處女星號就出發去越南,因為航程比較遠,所以第三日全日都係公海上航行。咁船上有咩活動可以做呢?留意每日麗星導航節目表上行程就唔怕悶啦!

 

 

麗星導航包括有天氣、餐廳開放時間及各項表演時間表等。

 

 

小朋友參加手製卡片興趣班。

 

 

除咗可以去健身室做 GYM 或去浸溫水池,亦有瑜伽班或興趣班岩大人小朋友參加,不同樓層地方更有歌舞表演觀賞。

第四日終於到咗越南下龍灣,今日行程分別有海上洞穴遊及鐘乳石洞。

 

 

鐘乳石洞,形成需要幾千或幾萬年的時間。

 

 

之後去了地道市集買手信。

 

 

再跟團友去了品嚐道地越南咖啡。

 

 

第五日,我地再繼續喺岸上參觀,早上先到越南峴港參觀咗五行山中藏真洞。

 

 

午餐後再去到會安古城閒逛,原來越南盾 20,000 紙幣上建築物就係古城入面嘅日本橋。

 

 

同其他團友係古城周圍閒逛。

 

 

仲遇到一對新人穿著傳統喜嫁服裝影婚紗相呢!

 

 

好多不同大小,各種色彩燈籠高高掛。

終於到行程最後一日,今日上岸到三亞鳳凰嶺觀光。

 

 

午餐係地道嘅椰子宴,呢個糯米飯甜甜的幾好味,小編仲食埋椰子中嘅果肉。

 

 

之後到了附近嘅檳榔谷黎苗文化旅游區,發掘黎族本土民族文化,包括傳統紡染織綉技藝。

 

 

站著欣賞黎族婆婆傳統織綉技術,婆婆雙手很靈巧一直密密織。

因天氣關係,行程都有少少改動,每一日都要把握時間喺岸上參觀!工作關係提早係三亞完結今次六日郵輪之旅,吃喝玩樂樣樣都好滿足,開心時間過得特別快呢!謝謝麗星郵輪安排的郵輪之旅!

如果大家對麗星船上嘅餐飲同新活動有興趣可以睇呢篇:六日五夜「處女星號」越南.三亞郵輪之旅 – 美食活動篇

Flyday 小編
本文已獲作者投稿授權刊登,關於本網站內之產品、圖片及文字內容的版權全歸作者所有。